احنا اصلا كدابين

إحنا أصلا كدابين

إحنا أصلاً كدابين
دى الحقيقة ياكرام
و إللى جاى من الكلام
يعرفكوا إحنا مين
شعب عايش فى النعيم
والرغيف قد البهيم
والبهيم لحمة ببلاش
والغدا لحمة كباش
والعشا فطيرة ساده وبطتين
أصله لابد يكون خفيف
والعربية فى الجراچ
واترفع سن المعاش
والقرع شاحح فى البلاد
والعدل رطرط وذاد
والمدام ما تختختش
دى الحقيقة ما تتخدش
كلنا عايشين فى عز
كلنا ماشين نهز
فى الكرش وفى العضل
وكل يوم يطلع بطل
عمال يحرر غلبنين
والغلابة معروفين
كلمة تعنى موظفين
وعمال وفلاحين
ودول نسبة بسيطة
يمكن حتى ما تتحسبش
إحنا شعب ما يختشيش
عندنا وبنقول ما فيش
هاتلى واحد ناقصه حاجه

ومتحاولش عشان مافيش
وإحنا ليه هنروح بعيد
طب ما أنا قدامكم اهو
ما فيش فى علتى
فرد واحد مش تخين
دا إحنا أصلا كدابين
دى الحقيقة يا أفاضل
وإللى باقي واللي فاضل
أعرفكم أنا أبقه مين
أنا أبقه شخص مش أمين
إتولدت بلسانين
كلام قصدتى كله كدب
ما أنا أبقه شيخ الكدابين
وإحنا أصلا كدابين