أم جواهر في مكة

مرااااااااااااااااااحب للجميع

ان شاء الله الجميع بألف صحة وعافية يااااااارب

طبعا الله أكرمني وسافرت لأداء العمرة

وها السفرة كانت هدية من بو جواهر

الله يحفظه ويطول بعمره ويخليه لي ولبناتي

آميييييييييييييييييييييييييييييييييييييين

كانت السفرة بتاريخ 5/6/2008 يوم الخميس

والعودة بتاريخ 7/6/2008

صح ان الفترة قصييرة.. بس والله اني استانست وااااااااااايد

كانت السفرة على طيران ناس

وسعر التذكرة 1200 درهم اماراتي تقريبا



هنا طبعا مطار الشارقة الدولي





وهذا الخرطوم اللي يوصل على الطائرة





وسامحوني الصورة الثانية مب واضحة

وهنا قائمة طيران ناس





بس اللي تطلبه واتشوفه في الصورة شي

واللي عطونا اياه شي ثاني

وهذا أكلي أنا



وهذا أكل بو جواهر



واستمرت الرحلة تقريبا ساعتين وشي

بصراحة مب مذكرة

سامحوني (الكبر شين)

ههههههههههه


وصلنا بالسلامة لمطار الملك عبد العزيز بجدة





ويالسين نتريا الشنطة



ونحن أو بالأصح بو جواهر.. طلب ان سائق يتريانا عند المطار

وياخذنا على مكة ع طول

وحليله كان واقف يتريانا (بس سامحوني ما رمت أصوره.. استحيت)

ونحن سايرين ع الموقف.. حصلنا ها الدراجات وصورتها

لأن بنوتي اتحب الدراجات


وهذا شارع جدة.. بس مب واضح للأسف



وهنا بو جواهر ساحب الشنطة.. وصلنا للفندق



ونسيت أخبركم ان فندقنا ( فندق جراند زمزم)

وأول ما حجزنا لليلتين طبعا.. كان السعر 1825 درهم مع التوصيل من المطار للفندق والعكس

بس يوم سرنا انأكد الحجز.. قالوا لنا ما في غرفة مطلة ع الحرم

لأن فيه مؤتمر الحوار الاسلامي العالمي

والغرف كلها محجوزة

وأنا اتضايجت وانقهرت.. بس وكلت أمري لله

ونقصوا بالسعر وصار 1625 درهم


انتبهوا ان نحن ما خذين شنطة وحدة فقط

بس بتشوفون نحن راجعين شو ماخذين


وهاي المصاعد اللي شفتها في تقرير فارس الشجاع




وهنا الاستقبال.. والله ترا الفندق واااايد حلو



وهنا نحن في المصعد سايرين ع الغرفة



وهذا الممر اللي يودي على الغرف



وهاي غرفتنا




وأخيرا وصلنا غرفتنا













وهذا (عزكم الله) الحمام



ومجرد ان دخلنا الغرفة.. ورجعنا طلعنا من الغرفة

وع طول ع الحرم

بس للأسف الشديد.. بو جواهر ما رضى اني آخذ الكاميرا معاي

وبعد ما اعتمرنا.. وكانت الساعة 4 الفير

وكنت ميتة من اليوع

وطلبنا أكل من الفندق

اتفضلوا حياكم



وبعد ها الأكل.. شي مؤكد ارقاد




وللحديث بقية