اوراق من كتاب العشق(الورقة الأولى)

حينا قديم لكنه جميل لم يكن يقطنه الامجموعة من الاقارب لكنه اتسع وكبر وتشعب في ليل حينا تفوح ازهار النيم فتعكس جمالا يطغى على كل مافيه من ضجيج او تكدس القمامة عندما لاتمر سيارة البلدية
امتلأ الحي وكثر السكان وكثرت القصص الجميلة التي تشبه رائحة زهر النيم والقبيحة التي تشبه رائحة القمامة
ولن اكتب الا عن تلك القصص الجميلة التي لامست قلبي
عبد الرحيم وصالحة
يازين عبدالرحيم وما احلى الاناقة التى تصل به الى حد الابتذال والله ماعدنا نعرف له شكل احيانا شكله يضحك واحياناروعةواحيانا يفجع
نموذج مثالي للشاب المستهترشايف نفسه بدرجة خيالية كم من فتاة وقعت ضحية عبد الرحيم ...
واخيراجالك يو م عبثة رماه في طريق صالحة اللي تعرف كل ماضيه وهي بنت تخوف مصيبة كارثة مايقدر عليها غير ربنا واهلها قبليين متشددين جدا
جمالها عادي جدا لاتقارن به كيف هام بها لاندري فجأة وجدنا عبد الرحيم يصلي في المسجد بعد ان قص شعره عبدالرحيم صار يهرج زي عيال القبايل حليله
يامحلاة وهو ينادي امه (يمه) تصدقون خطب صالحة !!!!!!! قامت الدنيا وقعدت في بيت صالحة طبعا انتم عرفتم رد ابوها
والله صار يبكي ويقل لكل واحد يقابله ياناس احبها ذكرنا بمجنون ليلى
صار يجلس دايما قدام بابهم القريب من بيت صالحة ولافاد فيه خصام ولاهش
الله يرحم الشاعر سمنون اللي قال


روحي اليك بكلهاقد اجمعت=لوان فيك هلاكها ما اقلعت
تبكي عليك بكلها في كلها=حتىيقال من البكاء تقطعت
**********doPoem(0)اهل الحي جزاهم الله كل خير اتوسطوله وبعد شروط تقصم الظهر وافق ابو صالحة
يوه ياعبد الرحيم اخيرا نلت ماتمنيت...فرحته كانت لاتوصف جمع الشباب اصحابه
وعدهم بعشاء على شاطي البحرماقلت لكم حليله عبد الرحيم رومانسي
وفي طريقهم حدث لهم حادث لم يصب فيه احد باذى الا عبد الرحيم ادخل العناية
تصدقون انه كان في غيبوبه ماترمش الا عيونه اذا ذكر اسم صالحة
تقولون كيف جاء اسم صالحة ؟لان امه كانت تقول كله من صالحة بنت......
يكرروا الاسم
تتحرك رميشاته ينادوه ولا حركة
تحايلت اخته على صالحة انها تجي تزوره لعله يصحى صالحة ترفض وبشدة
وبعد عدة مجاولات رضيت وخرجت مع امها بحجة السوق ولو دري ابوها ذبحهم الثنتين
دخلت صالحة ياناس مين يقول انه فيه حب كذا بس سمع صوت امه وهي تقول ادخلي ياصالحة الاجسمه ينتفض ويفتح عيونه بصعوبه وينظر تجاه صالحة ثم يغمض عيونه للابد
ما اسمى حبك ياعبد الرحيم
صالحةخرجت مسرعة خايفة ابوها يعرف بامر الزيارة ماعليها عاش عبد الرحيم او مات الامر كان بالنسبه لها مجرد تحدي مع صويحباتها بانها ستتغلب على اجمل شاب في الحارة
عجبتكم القصة؟؟؟؟؟ تراها حقيقة وليس فيها شيء زائف الا الاسماء
الى اللقاء في الورقة الثانية من اوراق العشق