ان بغيت اوصف حبيبتي انسى الحروف

إن بغيت أوصف حبيبتي بالشعرأنسى الحروف

وإن بغيت أنصف حبيبتي بالحكي ضاع الكلام

لو رسمتها في خيالي لوحة ٍ صعب الوصوف

يعـجـز الـرسـام يكـمّـل لوحته فمليون عام

خلّي أكبر من قصيدة صغتها بأقسى الظروف

وخلّي أكبـر من وصـوف ٍ رسمها ودّ وهـيـام

العرب تحكي وتحكي فسيرة ٍ تغني السيوف

بسمتها تكفي .. وتكفي وتظرتها تحمل سلام

طيفها اللي من عرفته مختلف بين الطيوف

ولالمحتها هام فيني خافق ٍ عاش فـغـرام

أيه أحبها وليت قلبه لوتـكـرّم بس يشوف

كيف حبها صار فيني والغلا أصبح وسام

وليت قلبهافي غيابي يقتنع مرّة ويروف

دام خلّهاعاف غيره وشال حبه بإهتمام

لانثرت سطور شعري صابني رهبه وخوف

خوف قلبي لو يقصر والصراحة مايلام

هذا حبر العاشق يكتب سيرة ٍ تنقش حروف

في صدر من هو أحبه ولابعد يكفي الكلام